【公平咩？】- 懶馬效應 (Lazy horse effect)
#態度決定高度 #人力資源管理學 #懶馬效應 #UCD
-----------------------------------
一間公司正常都會有幾個員工職位係平起平坐，差不多人工，而工作量都平分春息，但隨住時間過去同大家工作表現優劣，工作量可能會側重去其中一方，埋怨就會開始產生，「點解大家同一個Post我忙咁多，又要幫佢執手尾！」表現較遜色員工可能會痛定思痛改善表現，又或者會樂於現狀不求變，最後結局會係點？
「懶馬效應」故事講述從前有個主人有兩匹馬，馬背上都各自帶貨，其中一隻馬就比較勤力走得快；而另一隻就偷懶放慢腳步行，主人見到情況就決定將所有貨都放到勤力馬身上，而將懶惰馬趕回家裡馬棚，懶馬當然悠然自得繼續過生活，但轉眼間到年尾，主人發現家裡招呼客人的肉不夠，決定殺左隻懶馬做晚餐，最後無「因勤力而累死」反而「因懶惰而殺死」。
而辦公室裡面同樣存在住好多不公平現象，例如會有資深同事持老賣老逃避責任，新人要肩負起更多下欄工作等等，造成職位相若但工作量卻大有不同。面對上述情形，公司管理層在工作分配時需持公平，亦要讓懶員工得到相關警告，同時論功行賞，勤力員工獲得相應獎賞；而另一方面員工亦需作心態自我調整，如抱住「得過且過等退休」的心打滾絕對不健康，當公司實行緊縮政策，員工平日態度及能力表現自然會成為裁減考慮因素。
你隋性有多高，同時亦反映其他人自律性會有多高。
Search